FSHF vendos me shpatulla pas muri Flamurtarin, që duhet të paguajë trajnerin Ilir Daja. Vlonjatët kanë një detyrim të madh ndaj trajnerit aktual të Partizanit dhe së fundmi ka një vendim të ri.
Ashtu siç raporton, Abcnews.al, Dhoma Kombëtare e Zgjidhjes së Konflikteve i ka kërkuar Flamurtarit të zbatojë vendimin e gjyqit. Rreth 90 mijë euro klubi vlonjat i detyrohet Dajës dhe normalisht ky borxh duhet shlyer, për të mos rrezikuar penalitete të tjera.
Vetëm për pagat e prapambetura Flamurtari duhet të kalojë në llogarinë e Dajës plot 78,184 euro, ndërkohë që trajnerit i është dhënë të drejtë edhe për bonusin e kupave të Europës, që kap shifrën e 11304 eurove.
