Ndonëse vitet kalojnë, Cristiano Ronaldo vazhdon shkëlqimin e tij në futboll, teksa edhe në vitin 2020, që nuk ka qenë aspak i zakontë për shkak të ngjarjeve të ndodhura, portugezi nuk ka zhgënjyer me paraqitjet.
Sulmuesi i Juves ka bërë atë që di të bëjë më mirë, të shënojë. Ronaldo gjatë vitit 2020, ka arritur të shënojë plot 30 gola, 3 janë shënuar këtë sezon, 2 të tjerë me Portugalinë dhe 25 me Juventusin sezonin e kaluar në të gjitha kompeticionet.
Në këtë mënyrë Ronaldo lë pas Messin dhe Neymarin, të cilët edhe nëse bashkojnë golat përsëri nuk e arrijnë Ronaldon, pasi të dy së bashku kanë shënuar 27 gola. Braziliani ka shënuar 10 gola këtë vit, ndërsa argjentinasi i Barcelonës 17 gola.
