Analisti i njohur Kim Mehmeti, një kritik i ashpër i Kryeministrit Edi Rama, ka ironizuar këtë të fundit, lidhur me debatin mes tij dhe politikanëve serbë.
Mehmeti shkruan se tani Edi Ramën nuk e çmojnë as politikanët serbë.
“Lexova diku se ministri serb, përmes një komunikate në faqen zyrtare të Ministrisë së Mbrojtjes, e paska quajtur kryeministrin e Shqipërisë një njeri pa tru, ndërsa thekson se ai mbahet mend më shumë për mimika dhe çorape të kuqe e të shqyer, sesa për idetë e mëdha.
Sa keq më erdhi kur pash se edhe politikanët serb kanë filluar të mos e çmojnë Piktorin, mikun e ngushtë të Presidentit të Serbisë!
Kështu e ka kur bëhesh mik me kriminelët serb, me ata që të mbajnë për të mençur e të mirë vetëm kur angazhohesh për ‘Mini shengenin serb’, me ata që të çmojnë e lartësojnë vetëm kur i përkulesh Beogradit.
Por sidoqoftë mos u bëni merak: vëllazëria mes Presidentit serb, Piktorit dhe Presidentit të Kosovës është e pathyeshme dhe e përjetshme!
Madje, shpeshherë, ‘grindjet’ e rrejshme të kësaj natyre, vetëm e forcojnë këtë lloj miqësie dhe ato kanë për qellim që miqve t’ua kthejnë në sy të popullit patriotizmin dhe atdhetarinë e munguar!’, shkruan Kim Mehmeti.
