Një shqiptar është vënë në pranga në Breshia, pasi në banesë i është gjetur një sasi prej 6.5 kilogramësh heroinë.
Arrestimi është bërë gjatë natës së djeshme.
Mediat italiane raportojnë se bëhet fjalë për një 43-vjeçar, emigrant shqiptar, i njohur për policinë, pasi ishte kapur për shpërndarje droge.
Shqiptari ishte në një bar kur është ndaluar nga policia dhe shoqëruar për në banesën e tij, në bazë të një urdhër-kontrolli të lëshuar nga gjykata e Breshias.
Në banesë policia i ka gjetur dhe lëndën narkotike, të një cilësie të lartë.
5.2 kilogramë janë gjetur në një thes, ndërsa pjesa tjetër në një biçikletë që shqiptari e kishte lënë poshtë shtëpisë.
