Manchester City nuk ka shkuar më shumë se një barazim 1-1 në transfertën e Leeds United. Një javë më parë “Qytetarët” humbën në shtëpi 2-5 ndaj Leicester, ndërsa nuk kanë arritur të bëjnë kthesën këtë fundjavë.
Dobësitë e sezonit të kaluar duket se janë ende të pranishme te skuadra e Guardiolës që nuk gëzon më balancën e dikurshme.
Për tu rikthyer te ndeshja, Man.City kaloi e para në avantazh në minutën e 17-të. Pasi merr një pasim në krahun e majtë, Sterling spostohet drejt qendrës, aty ku driblon dy futbollistë dhe gjuan bukur me të djathtën, duke gjetur cepin e largët dhe duke mos i dhënë mundësi portierit vendas.
Ndërkohë baraspesha për Leeds erdhi në minutën e 59-të me autor të golit Rodrygo. Sulmuesi spanjoll, i transferuar këtë verë nga Valencia si blerja më e shtrenjtë në historinë e Leeds, përfitoi nga një gafë e pafalshme e Ederson, duke shënuar me portën thuajse të boshatisur nga një distancë e afërt.
Në tre ndeshjet e parë në Premier League, Man.City numëron katër pikë ndërsa Leed-s 7 pikë.
