Federico Chiesa pritet të zyrtarizohet te Juventusi dhe për këtë mediat italiane janë të sigurta. Klubet po bisedojnë dhe marrëveshja është pranë.
4.5 milion euro në sezon për Chiesa, ndërkohë që Fiorentina duhet bindur nga oferta. Kërkesa e tyre fillestare ka qenë 70 milion euro, por asnjë klub nuk do ta ofronte një shumë të tillë. Sidomos tani në kohë pandemie, kur kriza financiare e ka prekur ndjeshëm edhe futbollin.
Në total operacioni pritet të kapë 60 milion euro. Juventusi kërkon të paguajë 10 milion euro si fillim për huazimin, ndërkohë që verën e ardhshme 40 të tjera për transferimin përfundimtar. Në marrëveshje parashikohen bonuse të lehtë, që i shtojnë edhe 10 milion euro të tjera përfitime klubit Vjollcë.
