Dy mësues gjimnazi në qarkun e Elbasanit janë infektuar me koronavirus ditën e sotme. Një rast është shënuar në qytetin e Elbasanit dhe një tjetër në Cërrik.
Pas simptomave, mësuesit i janë nënshtruar testimit për Covid-19, nga ku ka rezultuar se ishin pozitivë.
Mësuesit e prekur me Covid-19 janë karantinuar, ndërsa pritet që t’u bëhet tamponi edhe kontakteve të tyre.
Në varësi të tamponeve për kolegët e tyre, do të shihet se çfarë do të ndodhë me vijimin e mësimit në dy gjimnazet.
