Kreu i PD-së, Lulzim Basha ftoi dje në debat kryeministrin Edi Rama. Basha tha në një studio televizive se Rama prej vitesh refuzon debatin me të.
Sot në konferencën për media me kryeministrin kosovar Avdullah Hoti, Rama refuzoi të përgjigjet, duke thënë se “kur vjen vëllai nga jashtë, nuk preferon ta përfshijë në hallet e shtëpisë.”
Në Shqipëri prej vitesh mungon debati para zgjedhjeve mes dy kandidatëve për kryeministër. Debati i fundit ka qenë mes Berishës dhe Nanos në vitin 2002.
Edhe për zgjedhjet për kryebashkiakun e Tiranës në vitin 2011, Rama refuzoi të përballej me Bashën.
