Ministri i brendshëm i ftuar në ‘Real story’ u pyet fillimisht për problemin me listat zgjedhore, cila është e vërteta e tyre, pas shumë ankesave të qytetarëve dhe opozitës. Lleashaj tha se nuk ka asnjë ndryshim të listave zgjedhore në kuptimin e atyre që po artikulohen nga opozita. Ai deklaroi se në 5 tetor lista do të publikohet dhe të gjithë do të vërtetojnë se sa e pakuptimtë është e gjithë kjo stuhi e ngritur kot.
Po këta qytetarë që ankohen?
Nuk u ka ndodhur asgjë. Nëse do t’i bëja një spjegim të thjeshtë. Në Shqipëri ne kemi një dokument themelor, regjistri i gjendjes civile. Janë 32 të dhëna të hedhura në këtë regjistër. Sa herë që ne duam të hedhim diçka në këtë regjistër i referohemi të dhënave në të.
Shqipëria për fatin tonë të keq që nga ’90 i është shkatërruar një nga kolonat esenciale që është regjistri themeltar. Lëvizja kaotike që u quajt liri, njerëzit lëvizën, ndërtuan pa leje dhe humbën nga regjistrat. Në shekullin e 21 jemi në situatën që qytetarët nuk kanë adresa.
Qytetarët janë përdorur në këtë rast. Askush nuk është përpjekur së cila është e vërteta dhe të gjitha rastet do të verifikohen në rrugë ligjore. Kemi pasur tre raste dhe të treja janë verifikuar. Është bërë përditësimi i adresës nga familjarët e tyre. Këto janë raste të vogla. Adresat e votimit nuk ndryshohen nga ky proces. Ndërsa procesi i aktivizimit të adresave është esencial shtëtformues.
