Një aksident është regjistruar ditën e sotme pranë kryqëzimit, te “Pallati me Shigjeta”.
Një kamion është përplasur me një makinë. Kamioni duket se nuk ka mundur të frenojë dhe për pasojë e ka marrë makinën para për rreth 10 metra.
Ende nuk dihen shkaqet e aksidentit, ndërsa fatmirësisht nuk raportohen për persona të lënduar, raporton abcnews.
Prej kohësh makinat e tonazhit të rëndë, veçanërisht betonieret, janë kthyer në shqetësim për qarkullimin në Tiranë, por jo vetëm. Ato janë kthyer shpesh në burime aksidentesh, madje me pasoja të rënda, ndërsa nga Policia Rrugore e Tiranës, nuk ka pasur asnjë reagim për të disiplinuar qarkullimin e tyre.
