Ramës i iku gishti i Bochardtit

Nga Boldnews.al

Ai e mbylli mandatin si ambasador i OSBE-së në vendin tonë, por me turp dhe i njënshëm, ku mbrojti qeverinë edhe më fort se vetë “Skënderbesha ministreshë” dhe fyu një popull të tërë. Shumë qytetarë e kanë të vështirë ti mbajnë mend me emra kush ka ardhur e kush iku, ndonëse ambasadorët e huaj për aq kohë sa qëndrojnë në Shqipëri bëhen “individë të rëndësishëm”.

Por në rastin e Bernd Borchardt ka një përjashtim. Ai do të mbahet mend gjatë, shumë gjatë, ndoshta edhe për brezat që do të vijnë. Së pari do i kujtohet gishti i mesit që ai ngriti ndaj grave të zonës së Unazës së Re, të cilat protestonin kundër arrestimit të djemve të tyre. Bochardt, si kreu i OSBE-së në vendin tonë kuptoi fjalët që ata thonin: “Rama ik dhe Shame on you”… Për turpin e tij, por mbi të gjithin tonin si shoqëri, ambasadori ngriti gishtin e mesit duke treguar qartësisht “ua fus…”!

Ky gjest skandalizoi këdo në vendin tonë, me përjashtim të qeverisë sonë dhe disa syresh me pushtet që rendën të mbronin një veprim që zakonisht kryhet nga huliganët nëpër stadiume. Vetë Borchardt në dukje kjërkoi ndjesë, por edhe teksti i ndjesës ishte po aq skandaloz. “Do të doja t’u kërkoja sinqerisht ndjesë atyre që mund të kem fyer dje. Unë e respektoj të drejtën e shqiptarëve për të protestuar paqësisht”. Me vetëm një rresht e gjysëmë shpjegim ambasdori që doli në krah të Ramës dhe qeverisë së tij në çdo nismë, madje edhe duke përkrahur zgjedhjet pa zgjedhje të 30 qershorit të vitit 2019, ishte pamja sesi një ambasador nuk duhet të sillet.

LEXO EDHE  Inceneratori i Tiranës, PD publikon raportin e KLSH/ Kontrata e operimit 300 mln euro, 77 mln më shumë se shifra e deklaruar

Por Borchardt iku, ka lënë disi “thatë” kryeministrin Rama, i cili edhe pse ja ka marrë dorën këtyre marifetçinjve që vijnë si përfaqësues të vendeve të tjera në Tiranë, sërish do i duhet kohë të kollandrisë të rinjtë. Nga ana tjetër, është i bindur se njeri më të bindur se Borchardt nuk do të gjejë. Ndaj duket se do i mungojë “gishti i Borcahrdt”! Ai iku, por turpin si shoqëri na e la këtu. Brezat që do të vijnë e kanë të vështirë për të kuptuar sesi një ambassador i huaj, bash e në zemër të Tiranës, ia pacënuar dhe i pasulmuar ngre gishtin e mesit dhe fyen deri në nder një grup nënash që klithnin për të liruar djemtë e tyre të arrestuar dhunshëm nga policia.

Ai ishte diplomat, përfaqësonte OSBE-në, një institucion i krijuar si ndikuese dhe shpërndarëse e paqes dhe demokracisë. “OSBE-ja punon për stabilitet, paqe dhe demokraci për më shumë se një miliard njerëz, përmes dialogut politik për vlerat e përbashkëta dhe punës praktike që sjell ndryshim jetëgjatë”-thuhet në citatin për veprimtarinë e OSBE-së. Dhe mos harroni, presidenca e OSBE-së drejtohet nga Rama, por edhe ai nja dy muaj do qëndrojë, çështje mandati dhe e merr në dorë Suedia.

Tashmë Ramës do i duhet të djersisë ca sepse do i duhet kohë që ambasadorin e ri ta kthejë si pasardhësi Borchardt, ndoshta jo aq agresiv si ai që nxjerr gishtin e mesit. Ndaj kryeministrit tonë do i mungojë një përfaqësues diplomatik pa pikë diplomacie dhe i përkushtuar deri në adhurim ndaj Rilindjes siç ishte Borchardt “gishtmesi”!