Fiori Dardha i bën dedikim më emocionues së ëmës e cila ndodhet e shtruar në spital (Foto) |

Moderatorja e njohur Fiori Dardha i ka dedikuar disa fjalë prekëse dhe tejet emcionuese së ëmës e cila është duke kaluar ditë aspak të lehta.

Me anë të një fotoje me të ëmën gazetarja rrëfen kujtimet e saj kur e ëma kujdesej dikur për atë teksa ishte e sëmurë. Dhe sot që e ëma ndodhet e shtruar në spital është Fiori ajo e cila është kthyer në forcën dhe sigurinë e saj.

“Në adoleshencën time u sëmura një herë shumë rëndë dhe m’u desh të qëndroja rreth 1 muaj në spital. Mami im qëndroi pranë meje ditë e natë. Nuk do e harroj kurrë se si kërrusej në një karrige për të dremitur pak çaste gjatë natës dhe ashtu e mpirë, brofte menjëherë në këmbë sapo dëgjonte hapat e infermieres që vinte për të më ndërruar serumin.

Ime më nuk e shprehu asnjëherë lodhjen, nuk u ankua kurrë, harroi veten për të më qëndruar mua pranë.

Lexo edhe:

Gazetarja shqiptare flet për sëmundjen e pashërueshme dhe frikën e saj më të madhe

Gazetarja e njohur bën rrëfimin e ndjerë: Jam martuar dy herë me të njëjtin burrë, mami …

Kur rastiste të largohej për pak minuta nga dhoma ime, sepse i duhej të psoniste, ose të mbaronte ndonjë punë, pritja për mua ishte sfilitëse. Qëndroja me kokën e kthyer drejt derës dhe numëroja minutat… Kur ndodhte që “vonohej” më shumë se zakonisht, nëpër faqe më rridhnin lot të nxehtë dëshpërimi. … dhe pastaj vinte ai momenti kur ime më shfaqej në derë! Zemra më rrihte fort dhe sytë shkëlqenin nga gëzimi.

Mami ishte siguria ime! Ishte forca ime!
Sot, është mami e shtruar në një dhomë spitali dhe unë shoh të njëjtin shkëlqim (si i imi dikur) në sytë e saj kur më sheh tek dera.
Sot, jam unë forca dhe siguria e saj!
AJO është përherë shembull i sakrificës së një prindi për fëmijët e saj!
Përgjithmonë me ty, mam’! ❤

P.S: “Mos më bëj foto, se më kanë rënë flokët dhe nuk është ndonjë pamje e bukur për t’u memorizuar” – më tha tek tentoja t’i rrëmbeja një buzëqeshje.
Mami im nuk e kupton që në sytë e mi është më e bukura në bote!”- shkruan Fiori në postimin e saj në Facebook.

View this post on Instagram

Në adoleshencën time u sëmura një herë shumë rëndë dhe m’u desh të qëndroja rreth 1 muaj në spital. Mami im qëndroi pranë meje ditë e natë. Nuk do e harroj kurrë se si kërrusej në një karrige për të dremitur pak çaste gjatë natës dhe ashtu e mpirë, brofte menjëherë në këmbë sapo dëgjonte hapat e infermieres që vinte për të më ndërruar serumin. Ime më nuk e shprehu asnjëherë lodhjen, nuk u ankua kurrë, harroi veten për të më qëndruar mua pranë. Kur rastiste të largohej për pak minuta nga dhoma ime, sepse i duhej të psoniste, ose të mbaronte ndonjë punë, pritja për mua ishte sfilitëse. Qëndroja me kokën e kthyer drejt derës dhe numëroja minutat… Kur ndodhte që “vonohej” më shumë se zakonisht, nëpër faqe më rridhnin lot të nxehtë dëshpërimi. … dhe pastaj vinte ai momenti kur ime më shfaqej në derë! Zemra më rrihte fort dhe sytë shkëlqenin nga gëzimi. Mami ishte siguria ime! Ishte forca ime! _________________________ Sot, është mami e shtruar në një dhomë spitali dhe unë shoh të njëjtin shkëlqim (si i imi dikur) në sytë e saj kur më sheh tek dera. Sot, jam unë forca dhe siguria e saj! AJO është përherë shembull i sakrificës së një prindi për fëmijët e saj! Përgjithmonë me ty, mam’! ❤ P.S: “Mos më bëj foto, se më kanë rënë flokët dhe nuk është ndonjë pamje e bukur për t’u memorizuar” – më tha tek tentoja t’i rrëmbeja një buzëqeshje. Mami im nuk e kupton që në sytë e mi është më e bukura në bote! 🤍 #godblessmoms 🙏

A post shared by FIORI DARDHA (@fioridardha) on Sep 27, 2020 at 3:16am PDT

E ëma e moderatores pak kohë më parë u sëmur nga kanceri i gjirit ku fatmirësisht doli triumfatore ndaj kësaj beteje të gjatë dhe të vështirë.

Etiketa: Fiori Dardha

Fiori Dardha i bën dedikim më emocionues së ëmës e cila ndodhet e shtruar në spital (Foto)

Gazetarja shqiptare flet për sëmundjen e pashërueshme dhe frikën e saj më të madhe

Gazetarja e njohur bën rrëfimin e ndjerë: Jam martuar dy herë me të njëjtin burrë, mami …

Lajme të lidhura

Gazetarja shqiptare flet për sëmundjen e pashërueshme dhe frikën e saj më të madhe

Gazetarja e njohur bën rrëfimin e ndjerë: Jam martuar dy herë me të njëjtin burrë, mami …

Fiori Dardha zbulon sëmundjen nga e cila vuan: Më privon nga shumë aktivitete

5 vite pas dasmës, Fiori Dardha bën celebrimin me partnerin e saj/ Video nga ceremonia

Moderatorja e njohur shqiptare tregon si i ka marrëdhëniet me 8 kunatat

Fiori Dardha kthehet në punë pak ditë pasi humbi të ëmën: Plotësova amanetin e saj

'Çfarë iu tha Rama pronarëve në fillim të pandemisë' - Naftëtarët e Ballshit në ditën e tretë të grevës

TË GJITHA

Tërmeti katastrofik në Venezuelë, qeveria njofton ndërprerje të furnizimit me gaz

Helmimi në Akademinë e Sigurisë/ “Sori-Al” shmang përgjegjësitë: Aty futen edhe ushqime nga jashtë!

Konferenca e Kryetarëve/ PD kërkon mocion me debat, PS: Nuk ju njohim si përfaqësues të protestës

Botërori 2026/ Brazili kualifikohet si kryesues, Maroku ia del me përmbysje

Goditja e tregjeve financiare/ Elon Musk zbret nën kufirin e 1 trilion dollarëve

Indeksi i Biznesit: Korrupsioni minon besimin e investimeve në Shqipëri

Dy tërmete katastrofike trondisin Venezuelën, ekspertët paralajmërojnë për numër të lartë viktimash

RRETH NESH

NA NDIQ