Qeveria e rilindjes prej ditës së parë edhe deri më sot ka qeverisur vetëm me propagandë dhe show mediatik.
Edhe gjatë ditës së sotme, ndërkohë që të gjitha mediat dhe qytetarët e këtij vendi janë duke pritur me ankth për të marrë veshë se si paraqitet situata e Covid 19 në Shqipëri, Ministria e Shëndetësisë i fton të gjithë që të ndjekin live ministren Ogerta Manistirliu në shfaqen e radhës, pasi paradite nuk kishte kohë që të kujtonte ditën botërore të zermës, se e kishte zënë minutazhin kryeministri Edi Rama.
Shqipëria mund të jetë i vetmi vend në botë, ku nuk ka asnjë masë konkrete për të parandaluar apo për të ulur goditjen e valës së dytë të Covid, e cila po shtyn shumë vende më të zhvilluara se ne që të rikthehen në karantinë, apo të marrin masa shtrënguese.
Mesa duket rilindja edhe këtë herë, ashtu si dhe në shkurtin e këtij viti ka vendosur që t’i lërë shqiptarët në dorë të Zotit, dhe në momentin që të ketë përkeqësim situatës, të na mbyllin edhe njëherë nëpër ‘kafaze’ si zogjtë.
