Një avion luftarak turk F-16 ka rrëzuar një avion Su-25 të Forcës Ajrore armene. Ky veprim erdhi tre ditë pasi shpërtheu konflikti ushtarak mes Armenisë dhe Azerbajxhanit për rajonin Nago-Karabak.
Zyrtarët në Jerevan thonë se incidenti ndodhi në hapësirën ajrore armene dhe se piloti humbi jetën. Sulmi ndodhi disa orë pasi Ankaraja tha se do ti vinte në ndihmë Azerbajxhanit që të zmbrapste “agresionin armen”, duke ofruar ndihmë diplomatike dhe ushtarake.
Më herët, Armenia tha se ishte e përgatitur të përdorte raketa balistike ruse nëse Turqia do të vendoste avionët e saj F-16 në mbështetje të ofensivës Azeriane.
Një zëdhënës i presidentit turk Rexhep Tajip Erdogan mohoi pretendimin e kryeqytetit të Armenisë, Jerevanit. Nërkohë Ministria e Mbrojtjes e Azerbajxhanit ka mohuar që një avion turk F-16 të ketë rrëzuar një aeroplan luftarak armen.
Konflikti mes Armenisë dhe Azerbajxhanit nisën të dielën, pasi ushtarët azerbajxhanas dhe armenë shkëmbyen zjarr me njëri-tjetrin. Të dyja vendet kanë qenë prej kohësh në mosmarrëveshje rreth shkëputjes së rajonit etnik armenë Nagorni-Karabaku nga Azerbajxhani, i cili e deklaroi pavarësinë gjatë një konflikti i cili shpërtheu gjatë kohës kur Bashkimi Sovjektik kolapsoi në vitin 1991.
Ndërkohë, kryeministri i Armenisë, Nikol Pashinyan, thotë se veprimet e tanishme luftarake nga Azerbajxhani në Nago-Karabak, të cilat i quan një provokim, ishin planifikuar më herët.
DENONCO