Lufta/ Azerbajxhani kërcënon se do të shkatërrojë sistemin raketor armen

Zëdhënësi i Ministrisë së Mbrojtjes së Azerbajxhanit, ka kërcënuar sërish Armeninë, lidhur me konfliktin për rajonin Nagorno-Karabak.

Ai deklaroi se Forcat e Armatosura të Azerbajxhanit do të shkatërrojnë sistemet raketore antiajrore S-300 të Forcave të Armatosura armene që lëvizin në atë zonë.

“Sipas inteligjencës sonë, sistemet e raketave antiajrore S-300 që mbulojnë hapësirën ajrore të Erevanit janë tërhequr nga detyra luftarake dhe po lëvizin drejt territoreve të pushtuara (Nagorno-Karabak). Ne njoftojmë se fati i tyre i pret pajisjet e shkatërruara ushtarake të ushtrisë armene në Nagorno-Karabak”, tha ai.

Azerbajxhani dhe Armenia janë në luftë për rajonin e Nagorno-Karabakut, ku deri më tani janë vrarë dhjetëra ushtarë nga të dyja palët.