Ish-kreu i qeverisë Sali Berisha i ftuar në Temora ka replikuar me gazetarin Aleksandër Çipa, pasi ky i fundit tha se qendimi i tij në politikë lodh skenën.
Berisha tha se ai qendron në politikë në mbrojtje të interesave të qytetarëve dhe për të mos i hapur rrugë së keqes.
‘Ata të cilët kanë pakënaqësi ndaj Sali Berishës lodhen, të tjerët gëzohen dhe gëzojnë jashtë mase. Unë nuk qendroj në politikë për një arsye themelore se asgjë nuk kërkon e keqja më shumë sesa indiferencën, dhe unë nuk ja jap të keqes këtë indiferencë. Qendroj në mbrojtje të interesit publik’, u shpreh Berisha.
