Gjyqtarja e Apelit Tiranë, Fatmira Hajdari, ka apeluar në Kolegjin e Posaçëm të Apelimit vendimin e Komisionit të Posaçëm të Vetingut për ta shkarkuar nga detyra.
Në padinë dorëzuar në KPA, Hajdari kërkon nisjen e hetimit nga e para për pasurinë, pastërtinë e figures dhe vlerësimin e saj për aftësitë profesionale.
Trupa e KPA-së që do të shqyrtojë kërkesën e Hajdarit përbëhet nga Natasha Mulaj, Albana Shtylla, Rezarta Schuetz, Ina Rama dhe Sokol Çomo.
Hajdari u shkarkua nga detyra në 18 qershor, për shkak të problemeve me pasurinë.
Vendimi u mor nga gjyqtarët Roland Ilia, Firdes Shuli dhe Etleda Çiftja.
Fatmira Hajdari është pjesë e sistemit të drejtësisë që prej vitit 2000, fillimisht si gjyqtare në gjykatën e Tiranës.
Që prej vitit 2013, Hajdari u emërua në gjykatën e Apelit të Tiranës, me dekret të presidentit.
