Mali i Zi për shkak të rritjes së numrit të rasteve të reja me Covid, ka vendosur masa shtesë kufizuese në disa qytete, duke filluar nga orët e mesnatës të së dielës.
Mediat bëjnë me dije se masa të rrepta epidemiologjike, parashikojnë një shtetrrethim nga ora 22.00-05.00 të mëngjesit, si dhe ndalimi i funksionimit të objekteve të hotelerisë, do të zbatohen nga e hëna në Nikshiq, Berane, Andrijevicë dhe Rozhaje, qytete me numrin më të lartë të pacientëve me koronavirus.
Ndërsa Podgorica dhe Kotori kafenetë do t’i kufizojnë deri në orën 22.00.
Ndërkohë në 24 orët e fundit 116 raste të reja janë konfirmuar me Covid-19 duke e çuar në 3 699 numrin e rasteve aktive me Covid në Malin e Zi, mes të cilëve 158 kanë humbur jetën.
