Presidenti Ilir Meta ka postuar një foto të Vangjush Dakos dhe Edi Ramës, duke i etiketuar si autorët e shkatërrimit të Durrësit.
Meta ka kërkuar hetim të thelluar dhe ndëshkim nga drejtësia të përgjegjësve për shpërdorimin e miliona eurove të taksave të qytetarëve të Durrësit.
Meta i është referuar në postimin e tij, shkrimit të BIRN me titull ‘Pa garë dhe pa zgjidhje: Tarifa e inceneratorit të Sharrës rrezikon ta ‘falimentojë’ Durrësin
“Durrësi i martirizuar dhe plot halle nga tërmeti është sot i mbërthyer nën darën e abuzimeve bashkiake.
Transparenca, hetimi i thelluar dhe ndëshkimi nga drejtësia i përgjegjësve për shpërdorimin e milionave euro të taksave të qytetarëve të Durrësit është zgjidhja e vetme.
KOHA PËR DREJTËSI!”, shkruan Meta.
