Më 1 Tetor do të rihapen baret, restorantet dhe pishat në ambientet e mbyllura. Kjo është konfirmuar nga ministrja e Shëndetësisë Ogerta Manastirliu, e cila tha se respektimi i masave anti-Covid mbetet një kusht i panegociueshëm për rinisjen e punës për këto biznese.
Ajo theksoi se do të vijojnë të qëndrojnë mbyllur klubet e natës, pub-et si dhe diskot.
Manastirliu u shpreh se zbatimi i masave për parandalimin e koronavirusit do të inspektohet nga policia, e cila në rast të shkeljes së protokolleve do të ndërmarrë masa ndëshkuese.
“Një punë e madhe është bërë në terren nga koordinatorët e shkollave për të ndjekur dhe trajtuar çdo rast të konfirmuar. Të mos neglizhohet në asnjë ditë kujdesi. Periudha e vjeshtës kërkon më shumë angazhim. Gjatë këtyre muajve kemi bërë maksimumin.
Komiteti Teknik miratoi protokollet për rihapjen duke filluar nga 1 tetori, të bareve, restoranteve dhe pishinave në ambientet e brendshme. Respektimi i rregullave është kusht i panegociueshëm, që ekonomia të mos cenohet nga kufizimet e detyruara. Do të vijojnë mbyllur, klubet e natës, pub-et dhe diskot.
Policia do të inspektojnë zbatimin e masave dhe do të ndërmarrin masat në rast të shkeljes së protokolleve”, u shpreh ajo.
