Ambasada shqiptare në Athinë ka bërë një njoftim lidhur me pajisjen e shqiptarëve me pasaporta.
Në njoftimin e publikuar sot thuhet se “brenda muajit tetor 2020, koha e pritjes për marrjen e shërbimit do të shkurtohet në 5 ditë pune dhe në total dokumentet biometrike do të dorëzohen për 3 javë.”
Njoftimi thekson se që nga data 27 korrik 2020, Ambasada e Republikës së Shqipërisë në Athinë ka kryer procedurat për pajisje me pasaportë dhe kartë ID për 19.331 shtetas.
Në këtë hapësirë kohore janë shpërndarë 18.575 dokumente biometrike. Datat e takimit tashmë jepen për 10 ditë pune nga momenti i aplikimit dhe shpërndarja e pasaportës realizohet për 4 javë.
