Publikohen të tjera detaje nga ngjarja e rëndë në Elbasan, ku 71-vjeçari Lefter Zhidru luftoi me policinë dhe plagosi dy qytetarë.
Lefter Zhidru përbente një rrezik të madh për banorët e zonës si edhe Forcat Speciale RENEA duke detyruar efektivët e kësaj të fundit që ta ekzekutonin mbrëmjen e djeshme.
Abc neës ka publikuar pamje kur Zhidru nxjerr nga dritarja e ballkonit një kallëp tritoli, pak momente pasi ka qëlluar herën e parë ndaj policisë duke kërcënuar me hedhjen e tij.
Zhidru kishte pesë kallëpe tritol në banesën e tij, të gjitha gati për të shpëthyer. Krahas tyre, ai kishte municion të mjaftueshëm si edhe një bombol gazi që synonte ta përdorte për shpërthim.
Duke parë rrezikshmërinë e tij dhe pas tentativës së dështuar për ta bindur të dorëzohet, policia detyrohet ta vrasë 71-vjeçarin.
