Obeziteti është kthyer në një fenomen global gjithnjë e më i përhapur në ditët e sotme, ndaj një peshë ideale është kthyer në sfidë.
Alternativë e rënies së shpejtë nga pesha janë edhe aplikimi i procedurave bashkëkohore siç është baloni gastrik. Spitali Hygeia ofron procedurën inovative të balonit gastrik që kryhet nga mjeku gastroenterolog dr.Plarent Kapo.
“Është një material silikoni vendoset në stomak. Është një procedurë e thjeshtë që nuk zgjat më shumë se 15 minuta. Perosnat e mbajnë këtë balon për 1 vit në stomak. Sot kemi një vendosje të balonit gastrik që është brenda një familje, para 1 muaji ia kam vendosur një pjesëtari të familjes, i cili është shumë i kënaqur dhe tani ka ardhur familjari tjetër”, thotë mjeku.
Mjeku Kapo në Spitalin Hygeia tregon se gjatë vendosjes së balonit pacienti nuk ndjen asnjë dhimbje dhe mund ta lërë spitalin pas 1 ore dhe t’i kthehet aktivitetit normal
“Pacienti është në gjendje gjumi. Do rreth 30 minuta që ti dalë gjendja e turbullt, pas një ore shkon në shtëpi”, thotë ai.
Megjithatë specialistët në Hygeia rekomandojnë që pas vendosjes së balonit gastrik, pacienti duhet të ndjeke rekomandimet e mjekëve që të ketë rezultatin e dëshiruar.
“Zë volumin më të madh të stomakut, ngadalëson tretjen dhe edukon që të hash më pak. Jo vetëm baloni gastrik, por duyhet vazhduar dieta dhe të bëhen ushtrime fizike”, thekson mjeku Kapo.
