Soreca-KLGJ: Plotësimi i vendeve vakante në Gjykatën e Lartë, përparësi kryesore

Ambasadori i BE, Luigi Soreca ka takuar ditën e sotme kryetaren e KLGJ Naureda Llagami.

Përmes një postimi në Twitter, ai shprehet se Këshilli luan një rol kryesor në sistemin e ri të gjyqësorit. Sakaq, Soreca ka theksuar se plotësimi i pozicioneve të mbetura të Gjykatës së Lartë mbetet një përparësi kryesore.

“Unë u takova sot me Kryetaren e KLGJ Naureda Llagami. Këshilli luan një rol kryesor në sistemin e ri të gjyqësorit.

Plotësimi i pozicioneve të mbetura të Gjykatës së Lartë mbetet një përparësi kryesore. BE-ja mbështet Këshillin në përpjekjet e tij për të rritur pavarësinë dhe efikasitetin e sistemit gjyqësor”, shkruan ambasadori Soreca.

LEXO EDHE  ‘Mos bëj gam-gam, je i qelbur...’/ Nxehet debati mes deputetëve në Kuvend