RENEA ekzekuton 71-vjeçarin në Elbasan

Lefter Zhidro, 71 vjeç, u ekzekutua nga forcat RENEA, pas më shumë se 5 orësh negociatash.

Ai nuk ka pranuar të dorëzohet, ndërsa nga raportimet e fundit RENEA ndërhyri në banesën e tij.

RENEA ka arritur të hapë derën e apartamentit ku ndodhej Zhidro, në katin e dytë të një ndërtese, ndërsa ka pasur të shtëna me armë.

Nga të dhënat e fundit konfirmohet se ka pasur shkëmbim zjarri mes tij dhe forcave RENEA, nga ku raportohet se 71-vjeçari është ekzekutuar.

Mësohet se ndaj 71-vjeçarit është hedhur edhe gaz lotsjellës, ndërsa raportohet se ka pasur të shtëna me armë në momentin që RENEA ka hyrë në banesën e tij.

Lefter Zhidro prej 5 vitesh jetonte në Elbasan, ndërsa ishte nga fshati Xarrë i Sarandës. 71-vjeçari ishte martuar 3 herë dhe kishte 3 fëmijë, ku më e vogla ishte një vajzë 13 vjeçare.

LEXO EDHE  Ndryshimet zgjedhore/ Yuri Kim: Zhgënjyese

Djali nga martesa e parë raportohet se jetonte në Norvegji, ndërsa djali nga martesa e dytë jetonte mes fshatit xarrë dhe Greqisë.

Vajza 13-vjeçare e Lefter Zhidros i ka kërkuar babait të saj të dorëzohej, ndërsa ai ka kërkuar praninë e fëmijës së dytë, pra djalin nga martesa e dytë.

Zhidro plagosi dy të rinj, kalimtarë pranë banesës së tij, ndërsa ai herë pas here kërcënonte me vetëvrasje, por qëllonte edhe në drejtim të policisë.

Ngjarja nisi në orën 13:30, pas një telefonate nga bashkëshortja e 71-vjeçarit, e cila u dhunua prej tij. Katër efektivë policie shkuan në banesë dhe u qëlluan me armë zjarri nga i moshuari. Pas rreth 5 orë negociatash, që duket se dështuan, 71 vjeçari u ekzekutua nga forcat RENEA.