Ditën e djeshme, Jessica Alves, e njohur ndryshe edhe si ish-kukulla Ken, ka surprizuar fansat me pamjen e re.
Sipas “Mirror”, 37-vjeçarja e kaloi të gjithë ditën në një sallon bukurie për të transformuar flokët.
Teksa po dilte nga salloni i bukurisë, ajo u shfaq mjaft seksi, e veshur me të zeza, ndërkohë që dekolteja e hapur i nxirrte në pah gjoksin e madh. Ajo dukej mjaft bukur me flokët ekstejshën.
Jessica, e cila u transformua në një grua në fillim të këtij viti, ka treguar se flokët janë pika e saj e dobët.
“Për mua, flokët e gjatë janë simboli përfundimtar i feminilitetit. Çdo ditë e më shumë, vë re ndryshimet në trupin tim. Lëkura po bëhet gjithnjë e më shumë femërore. Tashmë, trupi dhe çdo gjë e jashtme e imja, përputhen me shpirtin dhe me mendjen time”,- u shpreh ajo.
Jessica ka shpenzuar më shumë se 900,000 për të arritur pamjen që ka sot. Ajo gjithashtu ka ndryshuar organin gjenital, në mënyrë që të jetë edhe jashtë ashtu siç ndihet brenda.
Në lidhje me operacionet, ajo është shprehur: “Ndihem seksi për herë të parë në jetën time”.
