Sekretarja e Përgjithshme e PDIU-së Mesila Doda u shpreh në televizionin Syri se ndryshimet Kushtetuese dhe ato në Kodin Zgjedhor kanë për synim zhbërjen e koalicioneve në zgjedhjet e ardhshme të 25 prillit.
“Ky është momenti që njerëzit të ndahen nga e keqja”, u shpreh Doda, duke theksuar se në këto zgjedhje do votohet e mira kundrejt të keqes, pavarësisht përpjekjeve nga ana e kryeministrit Rama.
E pyetur nëse është e unifikuar opozita e bashkuar, Doda u shpreh se përtej diversionit të nevojshëm të Ramës, opozita është e bashkuar, pasi njerëzit janë në këmbë për të larguar këtë të keqe.
“Duhen haruar problemet personale për këtë mision dhe ti japim fryme ekonomisë së vendit”, u shpreh Doda.
Si do e reagoja opozita nëse Rama i voton në parlament ndryshimet kushtetuese?
“Ky do ishte argument i fundit se me Ramën nuk ka zgjedhje të lira dhe të ndershme dhe do shkelej një prej kushteve të vendosura nga Bundestagu mbi integrimin e vendit. Për një njeri të vetëm nuk do digjet e ardhmja e këtij vendi, por jemi brenda një moment të rrezikshëm ku po vihen në dyshim kufijtë e vendit, duke i premtuar detin grekëve.
Misioni ynë është ti japim shqiptarëvë një vend normal. Një njeri I vetëm nuk mund të largojë gjithë shqiptarët. Kjo është koha që ky vend të reagojë dhe ti japë përgjigjen një njeriu të vetëm i cili ka marrë peng të ardhmen’ tha Doda.
