Elbasani vijon të jetë në terror nga Lefter Zhidru, i cili qëlloi me armë mesditën e sotme nga banesa e tij në drejtim të forcave policore pas një konflikti me të shoqen.
Nga vendngjarja, ku ndodhet edhe FSHF dhe Renea, një dëshmitare okulare tregon momentin kur u plagosën dy kalimtarët Ledio Saraçi (22 vjeç) dhe Abdenauer Kndraxhiu (21 vjeç) nga të shtënat me armë zjarri.
“Sapo zbrita nga autobusi dhe po ecja për në shtëpi. Eca disa metra, kur dëgjova të shtënat…Nuk po lëvizja dot. Ishin dy policë, na ndalën, na futën pas një pallati. Më pas u plagosën para këmbëve tona dy të rinjtë. Ndodhi shumë shpejt”, rrëfen dëshmitarja e cila pohoi se me çfarë ka dëgjuar, 71-vjeçari ka patur gjithmonë sjellje të këtilla, anormale.
“Nuk arritëm të shihnim asgjë. Vetëm të shtëna dëgjonim. Në atë moment ka patur shumë njerëz, lokalet ishin plot dhe policia ishte një makinë para dhe një mbrapa. Kaq kam parë”, vijoi ajo.
Risjellim në vëmendje se forcat policore vijojnë negociatat me 71-vjeçarin që ky i fundit të dorëzohet. Ndërkohë, Renea është pozicionuar në zonën përreth.
LEXO EDHE:
