Sërish telashe për një shqiptar në Itali, i cili ishte në arrest shtëpie pasi kishte qëndruar 2 muaj në burg.
Mediat italiane raportojnë se shqiptari, identiteti i të cilit nuk dihet, është arrestuar nga policia pasi shiste drogë në banesën e tij në Pescaro.
Karabinierët kapën një italian teksa kishte blerë 2 doza kokaine tek shqiptari.
Gjatë kontrollit në banesën e shqiptarit u sekuestruan 80 gramë kokainë, të fshehur në një kavanoz si dhe në xhepin e një xhakete u gjetën 11 mijë euro.
Shqiptari u arrestua, ndërsa ndodhet në burgun e Villa Fastiggi.
