Partizani po vijon përgatitjet për sezonin e ri që akoma nuk e ka një datë konkrete për startin e saj.
Trajneri Daja është i detyruar që të krijojë formacionin me lojtarët aktualë pasi merkato e të kuqve është bllokuar nga FIFA për çështjen Çinari.
Të paktën deri në merkaton e janarit, Partizani duhet të zbresë në fushë me lojtarët që ka në dispozicion dhe trajneri Daja tashmë ka ideuar edhe formacionin titullar.
Duke parë largimin e Telushit dhe mungesa e një mesfushori tipik në këtë rol, Daja ka zgjedhur tashmë se cili lojtar do të zëvendësojë futbollistin vlonjat. Bëhet fjalë për Besnik Ferhatin që sezonet e fundit është aktivizuar pak, por edhe në disa role të ndryshme.
Do të jetë pikërisht mesfushori 20-vjeçar që do të marri “çelësat” e mesfushës së bashku me Rron Brojën dhe do të jetë “bast” për Partizanin dhe trajnerin Daja në këtë sezon të ri.
