Java e dytë e Premier League u hap ditën e shtunë me katër sfida, ndërsa u përmbyll mbrëmjen e djeshme me fitoren e Manchester City-t në transfertë 1-3 ndaj Wolverhampton.
Një javë e mbushur me gola teksa në 10 takime u shënuan plot 43 gola. Rezultati më surprizues i javës ishte humbja e Manchester United në shtëpi ndaj Crystal Palace me rezultatin 1-3. Ky ishte takimi i parë i “Djajve të Kuq” për këtë sezon të ri teksa kanë zhgënjyer që në start kundrejt pritshmërive të mëdha për ekipin.
Ndeshja kryesore e javës ishte padyshim ajo mes Chelseat dhe Liverpool e luajtur ditën e diel. Kampionët në fuqi të Anglisë morën një fitore të pastër 0-2 duke hedhur kandidaturën si skuadra favorite edhe për sezonin 2020/2021.
Pas dy javëve të para, kampionati kryesohet nga Leicester, ndërsa ndiqet nga Evertoni, Arsenali dhe Liverpooli skuadra këto që kanë arritur pikë të plota.
Java e 2, rezultatet:
E shtunë:
Everton-West Brom5 – 2
Leeds-Fulham 4 – 3
Manchester Utd-Crystal Palace 1 – 3
Arsenal-West Ham 2 – 1
E diel:
Southampton-Tottenham 2 – 5
Newcastle-Brighton 0 – 3
Chelsea Liverpool 0 – 2
Leicester-Burnley 4 – 2
E hënë:
Aston Villa-Sheffield Utd 1 – 0
Wolves-Manchester City 1 – 3
