Arbër Koti për të cilin gjykata vendosi masën e arrestit me burg për akuzën e vrasjes me thikë në zemër së Idajet Dullës nuk është pranuar nga autoritetet e burgut të Durrësit. Mësohet se Koti është djali ish –drejtorit të burgut të Durrësit, Astrit Koti dhe për këtë arsye ai është transferuar në atë të Fushë-krujës.
I njëjti vendim është marrë edhe për shtetasin tjetër Sergio Tatasi, për të cilin ka përfunduar gjykimi. Ai nuk është mbajtur në burgun e Durrësit, pasi nëna e tij është punësuar si guzhiniere në këtë burg dhe është dërguar në atë të Fushë –Krujës.
Viktima Idajet Dulla, ka qenë duke drejtuar një furgon malli me të cilin i ka zënë rrugën autobusit të Arbër Kotit që transportonte punëtorët e fasonerisë.
Për këtë shkak, mes drejtuesve të dy mjeteve ka nisur një konflikt që përfundoi me përdorimin e thikës.
34-vjeçari Idajet Dulla është dërguar në spitalin e Durësit por nuk ka mbijetuar nga plaga vdekjeprurëse në zemër.
