Ka rezultuar poziriv me COVID-19 një nxënës në klasën e 5-të në shkollën “Koto Hoxhi” në Gjirokastër.
Sipas informacioneve, fëmija është infektuar nga nëna punonjëse në fasoneri. Pak ditë më parë, në këtë biznes u konfirmuan pozitiv 15 punonjës.
Nga të dhënat, rezulton se në shkollën “Koto Hoxhi” është numri më i lartë i nxënësve në Bashkinë e Gjirokastrës.
Ndërkohë, janë marrë tamponë për të gjithë klasën dhe mësuesit dhe është ndërprerë mësimi në klasën e 5-të të shkollës “Koto Hoxhi”, por dhe në gjimnazin “Siri Shapllo”.
Bëhet me dije se janë dy nxënës të infektuar në këtë gjimnaz, një në klasën e 10-të dhe një tjetër në të 12-tën, si dhe një mësues.
Janë rreth 1000 nxënës që mësojnë në këtë shkollë.
