Partia Socialiste duket se nuk e njeh Rudina Hajdarin si anëtare të Këshillit Politik. Pavarësisht se Damian Gjiknuri, përfaqësues i PS në këtë këshill, e falenderon për angazhimin dhe i kërkon mirëkuptim lidhur me mos zhvillimin e mbledhjes ditën e mërkurë, për ti lënë kohë opozitës së bashkuar, një tjetër deputet socialist, Adnor Shameti, shprehet se Hajdari nuk është më anëtare e këtij Këshilli.
“Në dijeninë time, Rudina Hajdari është shkarkuar si kryetare e grupit parlamentar demokrat dhe për rrjedhojë ajo nuk është anëtare e Këshillit Politik”, shprehet Shameti.
Tashmë mbetet për t’u parë nëse ky është qëndrimi zyrtar i socialistëve apo thjesht një mendim personal i deputetit Shameti.
