Në studion e Open i ftuar përballë analistëve është numri dy i Partisë Socisliste Taulant Balla. Tema e diskutimit është ajo e ndryshimeve Kushtetuese. Si do të votohet, me lista të hapura apo të mbyllura? Kjo është pika e nxehtë. Analisti Agron Gjekmarkaj i është kthyer ashpër Taulant Ballës duke e kryqëzuar lidhur me prishjen e marrëveshjes së 5 qershorit.
Gjekmarkaj : Mosi i gënjeni më shqiptarët duke thënë se po hapim listat, por jo vetëm nuk i hapni por i mbyllët në mënyrën më të turpshme.
Balla: Ky është një sistem që qytetarët shqiptarë kanë të drejtën e votës preferenciale nga i pari tek i fundit.
Gjekmarkaj: Pas 30 vitesh të bëni këtë sistem është turp. Përsëri keni synuar lidershipin.
Balla: Kur të shikoni listat tona në KQZ do shihni që shumë prej nesh të mos jenë aty në kuvend.
Gjekmarkaj: Hesapet që ka Edi Rama brendapërbrenda është gjë tjetër. Ju nuk merrni parasysh fare opozitën. Nuk besoj se do vlerësoheni nga shqiptarët për këtë. Ky është gjykimi im. Ju nuk keni aftësi për marrëveshje. Nuk ka ndodhur në Shqipëri në 30 vite të ndryshohen rregullat e lojës në mënyrë të njëanshme. Marrëveshjen e 5 qershorit ju e vratë, natën vonë.
