Nëntë persona në Elbasan kanë rezultuar pozitivë për Covid-19 në 24 orët e fundit në Elbasan.
Referuar raportimeve, gjatë 24 orëve të fundit, si rezultat i hetimit epidemiologjik, janë konfirmuar 9 pacientë, 4 më pak se një ditë parë, kur u deklaruan 13 të tilla. Rastet e reja janë kontakte të personave që kanë rezultuar aktivë më parë.
Totali i rasteve aktive në këtë qark është 287 pacientë, pjesa më e madhe e të cilëve trajtohen në banesat e tyre.
Numri i të infektuarve në vend është 12,385 nga 79730 testime të bëra në total. Numri i pacientëve që janë shëruar është 6940 persona, ndërsa raste aktive në të gjithë vendin janë 5,083.
Tirana, mbetet vatra më e madhe e përhapjes së Covid-19.
