Futbolli në Shqipëri po bëhet gjithmonë e më kaotik teksa përveç problemeve me Superioren tashmë është Kategoria e Parë po kthehet në problem.
FSHF vazhdon të mos bëjë asnjë sqarim zyrtar së pari për ndryshimin e mundshëm të formulës. Për të vazhduar më pas me datën zyrtare të nisjes së kampionatit (që nuk nis më 19 shtator, siç u tha në fillim), si dhe me hedhjen e shortit të kalendarit.
Klubet dhe më shumë stafet teknike janë në një situatë, ku nuk dinë çfarë të bëjnë. Ata i kanë dhënë fund fazës përgatitore, e programuar sipas datës 19 shtator për nisjen e garës. Tani nuk dinë as sa ditë pushim t’i lënë futbollistët dhe as çfarë ngarkese t’u japin atyre, pasi nuk duan të hedhin në erë punën e deritanishme.
