Elvis Jaupaj dhe Jorin Llambro, të akuzuar si pjesë e grupit të strukturuar kriminal në trafikimin e kokainës, kanë dalë sot para togave të zeza në Gjykatën e Shkallës së Parë në Vlorë.
Gjykata ka vendosur për të dy të akuzuarit burg me afat 40 ditë deri në mbërritjen e të gjithë fashikujve të hetimit mbi të cilat bazohet akuza nga Europolis dhe Eurojust.
Për të gjithë të arrestuarit në këtë operacion të koduar “Los Blancos” kërkohet ekstradimi i personave të arrestuar me qëllim përballjen me akuzat në shtetin italian, aty ku dhe u iniciua hetimi i shtrirë në 10 shtete.
