Përfaqësuesi i PS-së në Këshillin Politik Damian Gjiknuri në një lidhje me Skype nuk pranoi që të debatonte me Oerd Bylykbashin në lidhje me propozimin për hapjen e listave, por edhe kërkesën e opozitës që cështja të dërgohet për ekspertizë te OSBE-ODIHR.
“Bylykbashi të vijë me propozimet konkrete. Unë i mirëpres, i uroj Bylykbashit të shpalosë idetë e tij, se nuk pata fatin ti dëgjoj në Këshillin Politik se e bojkotoi” tha ai.
I pyetur se përse PS-ja është kundër kërkesës së opozitës që ekspertët e OSBE-ODIHR të thonë fjalën e tyre për këtë cështje, Gjiknuri tha “unë pres që PD-ja të vijë me draft konkret. Nuk shkohet me çështje hipotetike te ODIHR. U ndryshua Kushtetuta, fjala koalicion u hoq. Kodi Zgjedhor thotë se për të garuar si koalicion, partitë bëjnë marrëveshje në një listë të vetme dhe le të votojnë atje. Ne hapëm listat”.
Gazetari e pyeti Gjiknurin se cili është i preferuari i PS-së në lidhje me kandidatët për KQZ-në e re , por përfaqësuesi socialist tha se fati i fituesit do të vendoset nga merita.
“Nuk ka preferenca shumica, do të gjykojë mbi dokumentacion dhe meritat e cdo kandidati, aq më tepër që e drejtoj këtë komision”, tha Gjiknuri. /abcnews/
