Përditësuar/ Protesta e naftëtarëve ka agravuar deri në përdorimin e dhunës nga policia, teksa kanë tërhequr zvarrë disa protestues për ti shoqëruar në polici.
Ndërkohë, një protestues ka humbur ndjenjat pas dhunës policore. Me ndihmën e protestuesve të tjerë, më pas është përmendur.
https://www.facebook.com/boldnews.al/videos/339054613818231
Protestuesit tentuan të çajnë kordonin policor, pasi duan të futen brenda ambienteve të Ministrisë, dhe të takohen me ministren Belinda Balluku.
Që prej orës 11:00, ata janë mbledhur para Ministrisë së Energjitikës për të protestuar për pagat e prapambetura, si dhe kërkojnë rifillimin e punës në rafinerinë e Balllshit.
***
Protesta e naftëtarëve të Ballshit, zhvendoset në Tiranë
Nga Ballshi, protesta e naftëtarëve është zhvendosur në Tiranë këtë të Enjte.
Punonjësit e rafinerisë së Ballshit janë mbledhur para Ministrisë së Energjetikës dhe Infrastrukturës. Ata protestojnë me pankarta në duar dhe me mesazhet, ”duam paret tona, mos i prekni punëtorët dhe uzina është e jona”.
Teksa protestonin, janë përplasur edhe me forcat e policisë. Protestuesit kërkojnë të futen në Ministrinë e Infrastrukturës, ndërsa policia ka formuar një kordon duke i ndaluar.
Uniformat blu i kanë bërë thirrje naftëtarëve që të ruajnë distancën për të respektuar masat anti-covid.
Lidhur me protestën e zhvilluar në Ballsh më herët gjatë javës, u proceduan penalisht tetë naftëtarë për shkelje të rregullave për parandalimin e Covid, që ndër të tjera parashikojnë ndalimin e grumbullimeve.
Protestë gjatë së cilës pati përplasje me policisë, me efektivët që hodhën spraj për të shpërndarë protestuesit. Mbi 10 persona përfunduan në spital pas probleme shëndetësore që solli hedhja e sprajit.
Banorët shprehen se kanë disa muaj që nuk marrin pagat.
