Bushati: Erdoganizmi i Edi Ramës, instaloi një regjim

Erdoganizëm e ka cilësuar analisti Andi Bushati, qeverisjen e Edi Ramës. Në emisionin Open, Bushati tha se në regjime nuk mund të pretendohet që opozita të jetë e fortë, pasi qeverisja e regjimeve kontrollon çdo gjë.

“Sali Berisha mund të thuash se kishte tendenca si diktator, por kishte kundër TCH, Vizion+ dhe News 24 e Bolinos. Sali Berishës Gjykata Kushtetuese i ka kthyer me dhjetra vendime.

Tani më thuaj cilat televizione kanë guximin të kritikojnë Edi Ramën. Rama sot po qeveris ka Gjykatë Kushtetuese, po qeveris si një regjim, ndaj dhe s´mund të fajësojmë opozitën.

LEXO EDHE  Letra e Metës/ Rama: S'ke asnjë kompetencë të futësh hundët në punët e ekspertëve

Shikoni se çfarë ndodh, në Fletoren Zyrtare nuk botojnë as dekretet e Presidentit, sepse nuki pëlqen regjimit”, tha Bushati, duke iu drejtuar Karlo Bolinos.

Në vijim, analisti tha se opozita bëri mirë që doli nga Kuvendi.

“Pse Venecia i ktheu ligjin për mediat, pse i ktheu ligjin për Kushtetuesen? Ja supozojmë se PD ka fajet e saj, por Edi Rama ka kaluar kufinjtë pasi ka bërë gjëra që kanë sjellë edhe reagimin e Venecias”, tha Bushati.