Vrasja në Tiranë, arrestohet në Lushnje autori

Autori dhe viktima

Arrestohet në Lushnje autori i vrasjes së ndodhur dje në zonën e Bathores në periferi të Tiranës. Agron Tanushi vrau me armë zjarri ish-kunatën e tij Jetmira Hasani.

Arrestimi

Policia njoftoi se, “si rezultat i trysnisë së ushtruar nga ana e Policisë duke kryer kontrolle të shtuara e të pandërprera në dhjetëra objekte, banesa, hotele, dhe godina të braktisura, informacioneve të grumbulluara,  bashkëpunimit me familjarët, bashkëpunimit me Komisariatin e Policisë Lushnje dhe falë metodave proaktive, mëngjesin e sotëm u bë lokalizmi i vendndodhjes së autorit, i cili fshihej në një lagje në Lushnje. Pas disa orë kërkimesh, para pak minutash  autori i dyshuar i ngjarjes, 31 vjeç, u vu në pranga nga shërbimet e Komisariatit të Policisë Lushnje dhe të DVP Tiranë që e kishin mbajtur të rrethuar zonën ku ishte lokalizuar vendndodhja e tij”.

“Ky shtetas si pasojë e një konflikti të çastit, për motive të dobëta  ka vrarë me armë zjarri ish–kunatën e tij 34 vjeçe. Në bashkëpunim me Prokurorinë, vijon puna për dokumentimin e plotë të kësaj ngjarjeve”, shtuan të njëjtat burime.

LEXO EDHE  ‘Rilindja nuk paguan mësuesit .../ PD publikon FOTO-n e urdhrit skandaloz

Konfliktet

Burime policore bëjnë me dije se autori dhe viktima kishin pasur debate të vazhdueshme prej disa ditësh, ndërsa më herët kishin bërë kallëzim në polici ndaj njëri-tjetrit. Të dy ata kanë qenë të pajisur me urdhër mbrojtje, por vazhdonin të jetonin në të njëjtën banesë, ku ndodhi dhe krimi.

Konfliket mes tyre dyshohet se kishin nisur për arsye pronësie, pasi viktima prej katër vitesh ishte divorcuar nga vëllai i autorit, emigrant në Greqi dhe ende vazhdonte të jetonte në banesën e tyre.