Kryeministri Edi Rama ka uruar paraardhësin e tij në krye të Partisë Socialiste Fatos Nano në 68-vjetorin e tij të lindjes.
Ai ka zgjedhur ta uroj ish-liderin socialist të cilin e quan shofer i turnit të parë, me një foto kur ai sapo kishte dalë nga burgu, ndërsa e përshkruan atë si një “kafshë e rrallë” politike, të cilin ka patur fatin ta njohë.
Rama thotë se ende ruajnë një marrëdhënie të shëndetshme me njëri-tjetrin, e kuptojnë njëri-tjetrin në ajër dhe shton se shpreson që një ditë të shkruajnë një libër së bashku për ndërrimin e turneve për t’ia lënë kryetarit të radhës së Partisë Socialiste.
