“Më ofroi seks me lekë”/ Gjykata liron 66-vjeçarin e akuzuar se ngacmoi adoleshentin

Gjykata e Beratit ka vendosur masën “detyrim paraqitje” për 66-vjeçarin Romeo Oço, të akuzuar për akuzën e ngacmimit seksual ndaj një 16-vjeçari. Ndonëse prokurori i çështjes kërkoi “arrest me burg” për të moshuarin, gjykatësi vendosi të mos e mbante pas hekurave të akuzuarin.

Në dëshminë e tij para Gjykatës, Oço nuk i ka pranuar akuzat duke thënë se është homoseksual. Ndërsa i mituri ka thënë se 66-vjeçari i ka ofruar seks në këmbim të parave.

“Për muaj me radhë komshiu im më prekte me duar në zonat intime dhe më detyronte me forcë që dhe unë ta prekja. Kjo histori vazhdon prej muajsh, por unë kam pasur frikë prej tij dhe nuk i kam treguar askujt. Sot kur më mori duke më kërcënuar pas banesës së tij ai tentoi më shumë dhe unë nga frika dhe për të shpëtuar prej tij mora një gur, e qëllova në shpatull dhe u largova me vrap”, deklaroi 16-vjeçari në polici, kur bëri denoncimin, që solli dhe ndalimin e Romeo nën akuzën e “ngacmimit seksual”.

LEXO EDHE  "Lokalet do të funksionojnë edhe në ambientet e brendshme"/ Rama s´pyet më për pandeminë

Lidhur me vendimin, një prononcim për mediat e dha dhe prokurori i çështjes.

“Nuk e ka pranuar ngacmimin. Thjesht ka pasur një marrëdhënie, ka biseduar dhe ka qenë një çik i pirë dhe nuk e mban mend se çfarë kanë biseduar. Unë kërkova arrest me burg, por është lënë në detyrim paraqitje”, tha Tasim Puci për mediat.