Një person ka mbetur i plagosur si pasojë e shpërthimit të një automjeti. Ngjarja ka ndodhur në zonën e njohur si Vasil Shanto. Shënjestra e atentatit është identifikuar si Preng Gjini, vëllai i Armando Gjinit, i vrarë në gusht të 2019 në Rrëshen.
Nga të dhënat e para mësohet se automjeti ka qenë në ecje kur ka shpërthyer. Dyshimet janë se shpërthimi ka qenë me telekomandë, ndërsa automjeti është shkatërruar plotësisht. Nga të dhënat e para mendohet se tritoli i ishte vendosur automjetit në pjesën e përparme, ndërsa shpërthimi ka ndodhur kur ai po ecte mbi urë.
Dyshohet se automjetit i është vendosur tritol, ndërsa në vendin e ngjarjes ndodhet policia dhe zjarrfikëset.
