Komisionerja e Komisionit të Pavarur të Kualifikimit, Brunilda Bekteshi është kallëzuar ditën e sotme nga ish-prokurori i Gjykatës së Apelit të Durrësit, Bujar Hoti.
Bekteshi akuzohet për veprat penale të: “Falsifikimi i dokumenteve”, më shumë se një herë dhe në bashkëpunim, “Falsifikim e formularëve”, “Përfitim Titulli”.
Kallëzimi është paraqitur ditën e sotme pranë Prokurorisë së Posaçme Kundër Korrupsionit dhe Krimit të Organizuar Tiranë.
Brunilda Bekteshi ka qenë pjesë e trupës së KPK-së që shkarkoi nga detyra ish prokurorin Hoti.
