Idenë se COVID-19 është krijuar në një laborator në Wuhan e ka përforcuar përmes deklaratës së saj edhe virologjia kineze, Li-Meng Yan, e cila ka punuar në ‘Hong Kong School of Public Health’.
Sipas saj, Pekini e dinte origjinën e epidemisë dhe e mbajti këtë të fshehur duke i zhdukur të gjithë informacionet nga skedarët zyrtarë.
Për mediat e huaja virologia ka hedhur poshtë pretendimet se virusi të ketë dalë nga tregu i kafshëve në Wuhan dhe thekson se kjo teori është përhapur për të fshehur origjinën e tij.
“Të gjithë, edhe ata që nuk janë shkencëtarë dhe nuk kanë njohuri të biologjisë, do të jenë në gjendje t’i kuptojnë ato”, siguroi ajo.
Li-Meng Yan pohon se koronavirusi është prodhuar në një laborator në Wuhan dhe ka paralajmëruar se do të ofrojë prova për këtë. Autoritetet kineze nga ana tjetër kanë mohuar kategorikisht deklaratat e saj.
Kjo nuk është hera e parë që virologia kineze hedh akuza ndaj autoriteteve. Edhe në muajin korrik ajo ka treguar që Pekini ishte i vetëdijshëm për potencialin vdekjeprurës të Covid-19, por autoritetet kishin zgjedhur ta fshehin atë nga bota prej frikës së trazirave.
Ajo ka shtuar gjithashtu se një koleg i saj kishte njohuri për rastet e infeksionit nga njeriu në njeri që nga 31 dhjetori.
