Eksperti i shëndetit publik, Erion Dasho, shkruan në një postim në rrjetet sociale, se ligji i sëmundjeve infektive garanton trajtim falas në rast epidemie, ndërkohë që shqiptarët po paguajnë faturën.
“Sot fillon shkolla. Në formularin tashmë të famshëm (apo famëkeq) të vetëdeklarimit të fëmijës dhe prindit ofrohet garancia se fëmija do të pajiset me maskë dhe detergjent para se të shkojë në shkollë.
Për qindra mijëra fëmijë që ndjekin shkollën, edhe sikur të bëhet fjalë vetëm për një maskë shumë përdorimëshe dhe një shishe me detergjent në muaj, bëhet një tjetër çek 1 milionësh.
Prej muajsh pacientët që trajtohen në kushtet e shtëpisë i blejnë vetë medikamentet e nevojshme. Me një kosto disa mijë lekë për trajtim, medikamentet (shumica e të cilëve përshkruhen në mënyrë të gabuar sepse protokollet e testimit dhe monitorimit në familje janë difektozë) krijojnë një çek tjetër milionësh”, shkruan Dasho.
Postimi nga Erion Dasho
ÇEQET NJË MILION…
Kanë kaluar 4 javë nga hyrja në lojë e sektorit privat për të kryer testimet për COVID-19. Me rreth 300 testime në ditë që kryen pranë latoratorëve të këtij sektori, përllogaritet se shqiptarët kanë paguar deri tani 1 milion EURO për një shërbim që duhet ta kishin marrë falas nga shteti.
Sot fillon shkolla. Në formularin tashmë të famshëm (apo famëkeq) të vetëdeklarimit të fëmijës dhe prindit ofrohet garancia se fëmija do të pajiset me maskë dhe detergjent para se të shkojë në shkollë. Për qindra mijëra fëmijë që ndjekin shkollën, edhe sikur të bëhet fjalë vetëm për një maskë shumë përdorimëshe dhe një shishe me detergjent në muaj, bëhet një tjetër çek 1 milionësh.
Prej muajsh pacientët që trajtohen në kushtet e shtëpisë i blejnë vetë medikamentet e nevojshme. Me një kosto disa mijë lekë për trajtim, medikamentet (shumica e të cilëve përshkruhen në mënyrë të gabuar sepse protokollet e testimit dhe monitorimit në familje janë difektozë) krijojnë një çek tjetër milionësh.
NË MËNYRË KRIMINALE, QYTETARI SHQIPTAR PAGUAN FATURËN E PANDEMISË NDËRKOHË QË LIGJI I SËMUNDJEVE INFEKTIVE GARANTON TRAJTIM FALAS NË RAST EPIDEMIE.
EDHE SA DO TË VAZHDOJË KJO SITUATË?!
