Në provincat e Arezzo dhe Parma por edhe në Shqipëri, është zhvilluar një operacion policor që çoi në pranga 13 persona, të cilët akuzohen për trafik droge, kokainë dhe marjuanë, nga Shqipëria drejt Italisë.
Operacioni është zhvilluar edhe me bashkëpunimin policor ndërkombëtar, raportojnë mediat italiane.
Hetimet, kanë filluar nga pala italiane në mars 2018 dhe janë të koordinuara nga prokurori i Arezzos.
Të 13 të arrestuarit i përkasin katër grupeve të ndryshme kriminale shqiptare, të cilët siguronin sasitë e kokainës dhe marijuanës dhe furnizonin shpërndarësit në Arezzo.
Gjatë hetimeve identifikuan disa persona që kishin krijuar varësi nga përdorimi i drogës, në shumicën dërrmuese të rasteve të kokainës ndërsa u zbulua se janë shitur rreth 3200 doza të cilat kanë sjellë një xhiro me vlerë rreth 200 mijë euro.
Mediat italiane raportojnë se do të zbulohen detaje të mëtejshme gjatë një konference për shtyp që do të mbahet në orën 11 në komandën provinciale të karabinierëve Arezzo.
