Vizita dy ditore e ambasadores amerikane në Shkoder, përveç takimit me kryetaren e bashkisë, Voltana Ademi, dhe vizitave në disa prej objekteve të njohura historiko-kulturore, e ato fetare, ka patur edhe risi.
Mbrëmjen e parë të qëndrimit në Shkodër, Yuri Kim ka zgjedhur të darkojë me ish-ministrin e Jashtëm, Ditmir Bushati.
Tv1 Channel ka siguruar ekskluzivisht foton e darkës mes Kim dhe Bushatit, në një nga restorantet e njohura në qendër të qytetit.
Nuk dihet ende se për çfarë kanë diskutuar Kim dhe Bushati, por sigurisht zhvillimet politike do kenë zënë pjesën më të madhe të kohës.
Një vit më parë Bushati u shkarkua prej kryeministrit Rama nga drejtimi i politik i qarkut dhe u zëvendësua me Valdrin Pjetrin, i cili nuk e mori dot detyrën për shkak se u prek nga ligji për dekriminalizimin.
Edi Rama delegoi në Shkodër Ilir Beqjan disa ditë më parë dhe ky i fundit kur u pyet nga mediat për Bushatin, tha se nuk ndodhej në Shkodër e Tiranë, por takimi i Kim vetëm dy ditë pas kësaj deklarate pikërisht në Shkoder me Bushtain është surprizë.
